24 янв 13:45
Янгиликлар
Бокс/ММА, Теннис
Файзиев Алматидаги иштирокини ғалаба билан бошлади
Қозоғистоннинг Алмати шаҳрида теннис бўйича “Фьючерс” туркумига кирувчи турнирнинг асосий тўр баҳслари давом этмоқда.
Соврин жамғармаси 25 000 АҚШ долларини ташкил қилувчи мусобақада икки ҳамюртимиз юртимиз спорт шарафини ҳимоя қиляпти. Турнирда олтинчи рақам остида таснифланган Санжар Файзиев иштирокини ғалаба билан бошлади.
Истеъдодли теннисчимиз биринчи даврада ҳиндистонлик Вижай Сундар Прашантга қарши кортга чиқди. Бир соату 44 дақиқа давом этган учрашувда ҳамюртимиз рақибини 6:4, 7:5 ҳисобида мағлуб этди.
Яна бир теннисчимиз Саидаъло Саидкаримов эса турнирнинг еттинчи ракеткаси чехиялик Ян Мертига 1:6, 6:7(4) ҳисобида имкониятни бой бериб қўйди.
Ҳавола :
Манба : olamsport.com
Фикрлар