Файзиев ва Фомин Қозоғистондаги турнирни ғалаба билан бошлашди, Ҳумоюнда эса...

Ушбу мусобақада уч нафар теннисчимиз Ҳумоюн Султонов, Санжар Файзиев ва Сергей Фомин иштирок этмоқда. 

Бироз аввал Санжар Файзиев 1/16 финалда Зимбабве вакили Бенжамин Локка қарши кортга чиқди. Икки сет давом этган учрашувда Файзиев рақибини 6/3, 6/2 ҳисобларида мағлуб этиб, кейинги босқичга йўл олди.  

Яна бир теннисчимиз Сергей Фомин мезбон теннисчи Даниил Фелкер устидан 6/2,  6/1 ҳисобларида устун келди ва 1/8 финалга чиқди. Теннисчиларимизнинг кейинги босқичдаги рақиблари ҳали маълум эмас.

Мамлакатимизнинг иккинчи ракетткаси Ҳумоюн Султонов ҳам ўз учрашувини якунлади. Афсуски, Султонов украиналик Эрик Ваншельбоймга икки сетда 4/6, 3/6 ҳисобларида имкониятни бой бериб қўйди.