Файзиев ярим финалга чиқди, энди навбат Исмоиловга

Ҳамюртимиз Санжар Файзиев дунёнинг ўндан ортиқ давлати теннисчилари иштирок этаётган ушбу мусобақанинг биринчи ракеткаси сифатида ғолиблик учун курашни давом эттиряпти.

Мамлакатимизнинг иккинчи ракеткаси ҳозиргина якунига етган чорак финал учрашувида ғалабага эришди. Файзиев яна бир ҳамюртимиз Павел Цойни 57 дақиқа давом этган баҳсда 6:2, 6:1 ҳисобида мағлуб этди. 

Бироздан сўнг чорак финалга етиб келган яна бир вакилимиз Темур Исмоилов кортга чиқади. Унинг рақиби беларуслик Дмитрий Жирмонт бўлади. Исмоилов турнирнинг бешинчи, Жирмонт эса тўртинчи ракеткаси сифатида ҳаракат қиляпти. 

Маълумот учун, Санжар илк даврада беларуслик Микалай Халякни 6:3, 6:2, иккинчи босқичда яна бир ҳамюртимиз Ботир Сапаевни икки сетда ҳам бир хил 6:4 ҳисобида таслим этган эди.