Фазлиддин Ғоибназаров олтинчи жангини ўтказди

Ҳозиргина якунига етган жангда ҳамюртимизга америкалик боксчи Уилберт Лопес рақиблик қилди. Саккиз раундга мўлжалланган жанг муддатидан аввал якунланди. Фазлиддин иккинчи раундда кучли зарбалари эвазига Лопесни нокаутга учратди. 

Маълумот учун, Фазлиддин шу кунгача профессионал рингда 6 та жанг ўтказиб, уларнинг барчасини ўз фойдасига ҳал қилган. Жангларнинг 3 тасида рақибларини нокаут эвазига мағлуб этган. 

Лопес эса бугунгиси билан қўшиб ҳисоблаганда 35 та жанг ўтказиб, уларнинг 23 тасида ғалаба қозонган, 15 тасида рақибларини нокаутга учратган. Ўнта тўқнашувда эса мағлубиятга учраган. Бугун у иккинчи нокаутини қабул қилиб олди.