22 окт 12:06
Янгиликлар

Бокс/ММА

Фазлиддин Ғоибназаров йил охиригача яна битта жанг ўтказади

Кеча Рио Олимпиадаси чемпиони, бугунги кунда фаолиятини профессионал боксда давом эттираётган Фазлиддин Ғоибназаров АҚШда ўзининг навбатдаги жангини ўтказганди.

Ҳамюртимиз 8 раундга мўлжалланган жангда америкалик Уилберт Лопесни иккинчи раунддаёқ нокаутга учратган эди. Фазлиддин йил сўнггига қадар яна битта жанг ўтказишни режалаштиряпти. Биз Ғоибназаров билан боғланганимизда, у бу ҳақда шундай деди.

"Мени қўллаб-қувватлаб, дуо қилганлар ўз миннатдорчилигимни изҳор қиламан. Насиб қилса, йил охиригача яна битта жанг ўтказаман. Бир ҳафталардан сўнг бўлажак жангдаги рақиб маълум бўлиши керак. Шундан сўнг Янги йил байрамини ўтказиш учун Ўзбекистонга қайтаман", - деди olamsport.com сайтига берган интервьюсида Ғоибназаров.

Маълумот учун, Фазлиддин шу кунгача профессионал рингда 6 та жанг ўтказиб, уларнинг барчасини ўз фойдасига ҳал қилган. Жангларнинг 3 тасида рақибларини нокаут эвазига мағлуб этган.