Fed Cup. Ўзбекистон - Индонезия 1:1, ғолиб жуфтликда аниқланади

Ирода Тўлаганова мураббийлигидаги Ўзбекистон аёллар терма жамоаси гуруҳнинг дастлабки иккита учрашувида Туркманистон ва Янги Зеландия теннисчиларини мағлуб этишганди. Бугун қизларимиз Индонезия терма жамоасига қарши баҳс олиб боришяпти.

Ҳозиргача яккаликдаги иккита учрашув якунланди. Кутилмаганда Нигина Абдураимова Лавиния Танантага 4:6, 3:6 ҳисобида ютқазиб қўйди. Нигина WTA рейтингида 208, Тананта эса 1061-ўринни эгаллаб тургани эътиборга молик ҳолат.

Иккинчи учрашувда биринчи ракеткамиз Сабина Шарипова Беатрис Гумуляни 6:4, 6:1 ҳисобида таслим этди. Шарипова дунё рейтингида 145, Гумуля эса 790-поғонадан жой олган. Энди учрашув ғолиби жуфтликлар беллашувида аниқланади.