FedCup. Ўзбекистон турнирни ғалаба билан бошлади

Вакилларимиз гуруҳ баҳсларида Ливан ва Янги Зеландия терма жамоаларига қарши ўйинлар ўтказишлари ҳақида хабар қилгандик.

Бугунги баҳслар якунланди. Аввалига Ясмина Каримжанова Ненси Каракини 55 дақиқа ичида 6:2, 6:0 ҳисобларида мағлубиятга учратди. Кейин эса Сабина Шарипова Хода Хабиб устидан 58 дақиқа ичида 6:0, 6:1 ҳисобида ғолиб бўлди. Шу тариқа, терма жамоамиз қизлари Ливанга қарши ўйинда 2:0 ҳисобида олдинга чиқиб олишди.

Жуфтлик баҳсларида эса Абдураимова/Омонмуродова тандеми Караки/Нассиф жуфтлигини 6:2, 6:3 ҳисобларида мағлубиятга учратдилар. Шу тариқа, Ўзбекистон - Ливан тўқнашуви 3:0 кўринишида якунланди.

Энди қизларимиз Янги Зеландияга қарши ўйин ўтказадилар.