Федерер ATP Якуний турнирида иккинчи ғалабасига эришди

2017 йилги теннис мавсумини якунлаб берувчи ушбу нуфузли мусобақада дунёнинг энг кучли саккиз нафар ракетка усталари икки гуруҳда бош мукофот учун баҳсларга киришишган.

Лондондаги “O2 Arena” корти мезбонлик қилаётган турнирда кеча иккита учрашув ўтказилди. Дунёнинг иккинчи ракеткаси бўлган Рожер Федерер кетма-кет иккинчи ғалабасига эришди.

Швейцариялик теннис юлдузи бу сафар турнирнинг учинчи ракеткаси, германиялик Александр Зверевни 7:6 (8), 5:7, 6:1 ҳисобида мағлуб этди. Энди у гуруҳнинг сўнгги баҳсида хорватиялик Марин Чиличга қарши кортга чиқади.