12 ноя 09:33
Янгиликлар

Теннис

Федерер АТР Якуний турнирини мағлубият билан бошлади

Буюк Британиянинг Лондон шаҳрида теннис бўйича эркаклар ўртасидаги йилнинг ATP Якуний турнири старт олди.

Маълумки, Якуний турнирда дунё рейтингининг кучли саккизталигидан жой олган ракетка усталари бош соврин учун баҳс олиб боришади. Дунёнинг учинчи ракеткаси Рожер Федерер турнирни кутилмаган мағлубият билан бошлади.

Швейцариялик теннис юлдузи гуруҳнинг илк учрашувида япониялик Кеи Нишикорига ютқазиб қўйди. Бир соату 27 дақиқа давом этган баҳсда рейтингнинг 9-поғонасидан жой олган Нишикори 7/6(4), 6/3 ҳисобида ғалаба қозонди.