29 окт 08:24
Янгиликлар

Теннис

Федерер Базелдаги турнирнинг финалига чиқди

Дунёнинг иккинчи рақамли теннисчиси Рожер Федерер Швейцариянинг Базель шаҳрида ўтказилаётган нуфузли турнирнинг финал йўлланмасини қўлга киритди.

Швейцариялик теннис юлдузи Swiss Indoors Basel турнирининг ярим финалида бельгиялик Дэвид Гоффинга қарши баҳс олиб борди. Бу теннисчи дунё рейтингида 10-ўринни эгаллаб турибди.

Роппа-роса бир соат давом этган финал учрашувида мезбон ракетка устаси рақибига ҳеч қандай имконият қолдирмади - 6:1, 6:2. Бугун Рожер ўз мухлислари кўз ўнгида ўтадиган финалда аргентиналик Хуан Мартин Дель Портга қарши кортга чиқади.