Федерер дунёнинг энг бой теннисчиси деб топилди

У 12 йилдан бери кетма-кет шундай номга эга бўляпти. Жароҳати сабаб деярли ярим йил кортга чиқмаган Рожер жорий йил ҳисобидан 64 миллион доллар ишлаб топишга муваффақ бўлди.

Федерернинг асосий даромади реклама шартномаларига тўғри келяпти. У Wilson, Credit Suisse, Mercedes, Rolex, Lindt, Jura, Moet & Chandon, Sunrise, NetJets, Nike каби дунёнинг бренд компаниялари билан шартнома имзолаган.

Шунингдек, швейцариялик теннисчи паста ишлаб чиқаруви Barilla компанияси билан 5 йилга мўлжалланган 40 миллион долларлик келишувга ҳам имзо чеккан. Федерер кўргазмали турнирларда қатнашгани учун 2 миллион доллар атрофида гонорар олади.