23 июн 17:24
Янгиликлар

Теннис

Федерер Галледаги турнирда финалга чиқди

Швейцариянинг Галле шаҳрида ўтказилаётган теннис бўйича нуфузли турнир ўзининг ҳал қилувчи палласига кирди.

Дунёнинг биринчи ракеткаси Рожер Федерер биринчилардан бўлиб финал йўлланмасини қўлга киритди. Швейцариялик теннисчи ярим финал учрашувида америкалик Денис Кудлага қарши кортга чиқди.

Бир соату 27 дақиқа давом этган баҳсда 36 ёшли Федерер дунё рейтингида 109-ўринни эгаллаб турган 25 ёшли Кудлани 7:6(1), 7:5 ҳисобида мағлуб этди. Рожернинг финалдаги рақиби испаниялик Роберто Баутиста-Агут ҳамда хорватиялик Борна Чорич учрашувидан сўнг маълум бўлади.