Рожер Федерер Халқаро теннис шон-шуҳрат залига киритилади

Маросим 2026 йилнинг 27-29 август кунлари АҚШнинг Род-Айленд штатидаги Ньюпорт шаҳрида бўлиб ўтади.

"Халқаро теннис шон-шуҳрат залига киритилиш ва кўплаб буюк чемпионлар билан бир қаторда туриш мен учун улкан шараф. Фаолиятим давомида мен теннис тарихини ва мендан олдин ўтган ўйинчиларни қадрлаб келганман, бу ўзим учун ўрнак бўлиб хизмат қилади. Ушбу спорт туридаги тенгдошларимдан бундай эътирофга сазовор бўлиш жуда катта шараф. Мен келаси йил август ойида теннис ҳамжамияти билан ушбу махсус лаҳзани нишонлаш учун Ньюпортга ташриф буюришни интиқлик билан кутаман", дея бунга муносабат билдирди Федерер.

Рожер Федерер 43 ёшда. У 2008 йилги Олимпия ўйинларининг жуфтлик баҳслари чемпиони ва 2012 йилги Олимпия ўйинларининг яккалик баҳсларида иккинчи ўринни эгаллаган.