17 июн 09:43
Янгиликлар

Теннис

Федерер иродали ғалабага эришиб, финалга йўл олди

Германиянинг Штутгарт шаҳрида ўтказилаётган теннис бўйича нуфузли “Mersedes Cup” турнири ўз якуни сари яқинлашмоқда.

Мусобақанинг биринчи ракеткаси Рожер Федерер финал иштирокчисига айланди. Швейцариялик теннисчи 1 соату 51 дақиқа давом этган ярим финал баҳсида австралиялик Ник Киргиосни 6:7(2), 6:2, 7:6(5) ҳисобида таслим этди.

Йигирма уч ёшли Ник ATP рейтингида 24-ўринни эгаллаб турибди. Учрашув давомида 36 ёшли Федерер 12, 23 ёшли Киргиос эса 23та эйс зарбасини амалга оширди. Энди Рожер финалда канадалик Милош Раоничга қарши кортга чиқади.