27 окт 08:57
Янгиликлар

Теннис

Федерер ўз юртидаги турнирда чорак финалга чиқди

Дунёнинг иккинчи рақамли теннисчиси Рожер Федерер Швейцариянинг Базель шаҳрида ўтказилаётган нуфузли турнирда чорак финал йўлланмасини қўлга киритди.

Швейцариялик теннис юлдузи илк босқичда америкалик Фрэнсис Тиафони 6:1, 6:3 ҳисобида мағлуб этганди. Рожер 57 дақиқа давом этган иккинчи давра учрашувида франциялик Бенуа Пэрдан 6:1, 6:3 ҳисобида устун келди.

Энди Федерер Swiss Indoor s Basel турнирининг чорак финалида франциялик Адриан Маннаринога қарши кортга чиқади. Бу теннисчи иккинчи даврада канадалик Денис Шаповаловни 4:6, 6:1, 6:2 ҳисобида енгди.