28 янв 12:43
Янгиликлар

Теннис

Федерер vs Чилич: Бироздан сўнг Australian Open финали бошланади

Бир неча дақиқалардан сўнг Мельбурн шаҳрида “Катта Дубулға” туркумига кирувчи Australian Open мусобақасининг финал учрашуви бошланади.

Ҳал қилувчи баҳсда швейцариялик Рожер Федерер ҳамда хорватиялик Марин Чилич ўзаро тўқнаш келишади. Дунёнинг иккинчи ракеткаси ҳисобланган Федерер бугун ғалаба қозонган тақдирда Australian Open турнирнинг олти карра ғолибига айланади.

Ўз ўрнида Чилич Австралия Очиқ чемпионатининг финалида ўйнаган биринчи хорватиялик теннисчига айланади. Теннисчилар шу кунгача ўзаро 9 маротаба тўқнаш келишган. Учрашувларнинг 8тасида Федерер, фақат биттасида Чилич ғалаба қозонган. Улар Австралия Очиқ чемпионатлари тарихида ҳали ўзаро учрашишмаган эди.