Федерернинг мураббийи: "Рожернинг Australian Open'даги иштироки сўроқ остида"

"Менимча, бу масала катта сўроқ остида. У тикланишда давом этмоқда. Жараённи билган ҳолда айтишим мумкинки, Рожер ҳар бир борган турнирида ғалаба қозонишни ва 100% лик ўйин кўрсатишни хоҳлайди. Шунинг учун унинг Австралия Очиқ чемпионатига келишига шубҳа қиляпман.

Бироқ, Федерер аста-секин олдинга ҳаракат қилмоқда. У аллақачон 40 ёшда, шунинг учун сиз сабрли бўлишингиз ва уни тушунишингиз керак. Қайта тиклаш жараёни энди аввалгига қараганда секинроқ суръатда кечмоқда.

Биз у билан гаплашдик ва аниқ айта оламанки, у теннисга қайтишни хоҳлайди. Ва Федерер фаолиятини тугатишга қарор қилганида, бу ажабланарли бўлмайди", - дея Любичичнинг сўзларини келтиради Reuters.