20 май 14:19
Янгиликлар

Футбол

Фекирнинг “Ливерпуль” клубига ўтиши 99% ҳал бўлди

Франциянинг “Лион” клуби ярим ҳимоячиси Набиль Фекир фаолиятини “Ливерпуль” жамоасида давом эттиришга яқин турибди.

Маълумотларга кўра, франциялик 24 ёшли футболчининг Мерсисайд клубига трансфер қилиниши 99 фоизга ҳал бўлган. “Ливерпуль” Фекир учун 60 миллион фунт стерлинг (69 млн евро) тўлайди.

“Мен жамоам билан ажойиб мавсумни ўтказдим. Футболчилар, клуб раҳбарияти, мухлислар ва барча-барчага ўз ташаккуримни изҳор қиламан. Мавсумни чиройли якунлай олдик.

“Ливерпуль” клубига ўтишим? Мен шундоқ ҳам кўп гапириб, кўп маълумот бериб юбордим”, – деди Фекир “Ницца”га қарши кечган (3:2) ўйиндан кейинги матбуот анжуманида.