10 сен 16:24
Янгиликлар
Теннис
Финалга чиққан Эмма Радукану ТОП-30га яқинлашиб олди, у икки ой олдин ТОП-300га ҳам кирмасди
Британиялик теннисчи Эмма Радукану АҚШ Очиқ чемпионати ярим финалида грециялик Мария Саккарини мағлубиятга учратди.
Шу тариқа, Эмма теннис тарихида саралашдан бошлаб "Катта Дубулға" финалига етиб борган илк теннисчига айланди.
Бу Эмма учун WTA доирасидаги тўртинчи, "Катта Дубулға" туркумидаги эса иккинчи турнирдир. US Open давомида у рақибларига битта сетда ҳам мағлуб бўлмади, рақибаларига эса 27 тагина гейм берди.
Турнир якунига кўра, британиялик теннисчи камида 32-ўринга кўтарилиб олади. "Уимблдон" олдидан у рейтингда ТОП-300га ҳам кирмасди.
Радукану 44 йил ичида қизлар ўртасида "Катта Дубулға" финалига етиб келган биринчи британиялик теннисчи бўлди. Бунгача 1977 йилда Виржиния Уэйд "Уимблдон"да ғалаба қозонганди.
Ҳавола :
Манба : olamsport.com
Фикрлар