18 апр 07:58
Янгиликлар
Баскетбол
"Финикс" NBA плей-оффининг биринчи ўйинида "Нью-Орлеан"ни мағлуб этди
АҚШнинг Финикс шаҳридаги "Footprint Center" аренада NBA Ғарбий конференцияси плей-офф босқичининг 1/4 финалидан ўрин олган илк ўйин бўлиб ўтди.
Унда мезбонлар "Финикс Санз" жамоаси "Нью Орлеан Пеликанс" клубини қабул қилди. Учрашув паркет эгаларининг 110:99 ҳисобидаги ғалабаси билан якунланди. "Финикс" плей-оффда 1:0 ҳисобида олдинга чиқиб олди.
"Санз"нинг ғалабасига энг катта ҳиссани америкалик Крис Пол қўшди. У 30 очко қўлга киритгани ҳолда 7 та рибанд ва 10 та самарали узатмани амалга оширди. Си Жей Макколлум 19 очко билан "Нью Орлеан" сафида энг яхши кўрсаткични қайд этди. Литвалик Йонас Валанчюнас меҳмонлар сафида дабл-дабл қайд этди. Унинг ҳисобида 18 очко ва 24 та рибанд бор.
Жамоалар ўртасидаги навбатдаги ўйин 20 апрель, чоршанба куни Финиксда бўлиб ўтади. Учрашув Тошкент вақти билан тонги 7:00да бошланади.
Ҳавола :
Манба : championat.com
Фикрлар