Флойд Мейвезер: Мен ҳеч қачон қафасда уришмайман

Енгилмас Флойд аралаш қоидалар бўйича енгил вазн тоифасида UFC чемпиони Хабиб Нурмагомедов билан эҳтимолли жанги хусусида гапирди. 

- Мен ринг учун туғилганман. ММА менинг маконим эмас. Ҳеч қачон қафас ичидаги жангларда иштирок этмайман. Конор Макгрегор рингда менга қарши чиққан ММА жангчиси қандай аҳволга тушишига ўзи гувоҳ бўлди. 

Энди худди шу нарсани Хабиб ҳам кўришни истаяпти. Мен бунга қарши эмасман. У билан бокс қоидалари асосида рингда тўқнаш келишга тайёрман. Агар бу жанг ўтказилмаган тақдирда ҳам мен бундан ҳеч нарса ютқазмайман. Менга иссиғи ҳам, совуғи ҳам йўқ, - деди Мейвезер.