15 июн 07:25
Янгиликлар

Бокс/ММА

Флойд Мейвезер ММА жангчисига қарши кўргазмали баҳс ўтказади

Бешта вазнда собиқ жаҳон чемпиони Флойд Мейвезер япониялик аралаш яккакураш устаси Микиру Асакурага қарши кўргазмали жангда иштирок этади.

Жанг сентябрь ойида Японияда ўтказилиши режалаштирилган.

Мейвезер учун бу тўртинчи кўргазмали жанг ҳисобланади. Бунгача Флойд Тенсин Насукава, Логан Пол ва Дон Мурга қарши кўргазмали жангларда иштирок этганди. 12 июнь куни Мейвезер Бокс бўйича Халқаро Шон-шараф залига киритилди. У профессионал фаолияти давомида 50 та жанг ўтказиб, барчасида ғалабага эришган.

Аввалроқ, Флойднинг Шон-шараф залига киритилганидан сўнг йиғлаб юборгани ҳақида хабар берган эдик.