22 ноя 11:45
Янгиликлар
Теннис
Фольц ва Умарова Таиланддаги турнирда мағлуб бўлишди
Истеъдодли теннисчиларимиз Арина Фольц ва Камола Умарова Таиландда ўтказилаётган турнирда ўз имкониятларини синовдан ўтказишяпти.
Турнирнинг соврин жамғармаси 10 000 АҚШ долларини ташкил қилади. Афсуски, ҳар икки теннисчимиз ҳам асосий тўр баҳсларининг илк даврасида мағлубиятга учрашди.
Асосий тўрга саралаш баҳслари орқали етиб келган Камола Умарова мезбонлар вакиласи Плобрунг Плипуэчга кортга чиқди. Бир соату 24 дақиқа давом этган учрашувда таиландлик теннисчи 6:2, 7:5 ҳисобида зафар қучди.
Арина Фольц эса ҳиндистонлик Наташа Палха билан ҳисоб-китоб қилди. Уч сет давом этган учрашувда Палха 2:6, 6:2, 6:1 ҳисобида ғалаба қозонди.
Энди теннисчиларимиз бор эътиборларини жуфтликдаги иштирокларига қаратишади. Улар эртага чорак финал баҳсида кортга чиқишади.
Ҳавола :
Манба : olamsport.com
Фикрлар