Фомин ўзидан 520 поғона юқоридаги рақибини енгди

Мусобақада истеъдодли теннисчимиз Сергей Фомин муваффақиятли иштирок этяпти. Ҳамюртимиз илк даврада рейтингда ўзидан 460 поғона юқорида бораётган россиялик Алибек Качмазовни 6/1 7/6 ҳисобида мағлуб этиб, 1/8 финалга йўл олганди. 

Фомин ҳозиргина якунига етган нимчорак финал баҳсида яна бир рейтинги юқори теннисчи, германиялик Себастьян Фанзеловни 6/3, 6/3 ҳисобида таслим этиб, чорак финалга йўл олди. Бу теннисчиларнинг ўзаро ўтказган илк учрашуви эди. Сергейнинг чорак финалдаги рақиби турнирнинг 4-ракеткаси, дунё рейтингида 285-поғонадан жой олиб турган япониялик Каичи Учида бўлади.      

Таққослаш учун, Сергей Фомин ATP рейтингида 838, Фанзелов эса 318-ўринни эгаллаб турибди. Ҳамюртимиз бу ғалабаси билан Денис Истомин учун реванш олди. Себастьян кеча 1/16 финал учрашувида айнан мамлакатимизнинг биринчи ракеткасини ортиқча қийинчиликсиз мағлуб (6/1, 6/4) этган эди.