Фомин Қозоғистондаги турнирдан қанча очко ва пул ишлаб олди?

Истеъдодли теннисчимиз Сергей Фомин ана шу сукунатни бузди. У бугун Қозоғистоннинг Чимкент шаҳрида якунига етган "Shymkent II Challenger 80" турнири ғолибига айланди. Фомин мусобақадаги иштирокини саралаш баҳсларидан бошлаганига қарамай, якунда тенгсиз бўлди. 

Бугун 21 ёшли теннисчимиз бош соврин учун кечган финал учрашувида дунёнинг собиқ 33-ракеткаси, ҳозирда ATP рейтингида 324-поғонадан жой олиб турган нидерландиялик Робин Хаасни 7/6(4), 6/3 ҳисобида мағлуб этишнинг уддасидан чиқди. 

ATP рейтингида 838-ўринни эгаллаб турган Сергей Фомин "Shymkent II Challenger 80" турниридаги иштирокидан 7 200 АҚШ доллари ҳамда қимматли 80 рейтинг очкосини ўз ҳисобига қўшиб қўйди. Финалчи Томми Хаас эса 4 240 доллар ҳамда 50 рейтинг очкосига эга бўлди. 

Таққослаш учун, фаолияти давомида ATP таснифига кирувчи турнирларнинг иккитасида бош соврин соҳибига айланган 35 ёшли Робин шу кунгача 7 млн 743 минг 809 доллар ишлаб топган.