Формула-1. 2022 йилги мавсумнинг Топ-10 яхши пойгачиси номи эълон қилинди

Рейтинг ҳар бир Гран-придаги натижаларга кўра ўн балли тизимда беш нафар эксперт томонидан тузиб чиқилди. Якуний кўрсаткичлар барча босқичлар учун ўртача балл ҳисобида бўлди.

Натижада "Ред Булл" пилоти Макс Ферстаппен биринчи ўринни эгаллади. Экспертлар рейтингида вице-чемпион Шарль Леклер ("Феррари") иккинчи ўринни банд этган. Учинчи ўринни Жорж Рассел ("Мерседес") ва Ландо Норрис ("Макларен") бўлишиб олишди. 

Льюис Хэмилтон ("Мерседес") ва Фернандо Алонсо ("Альпин") мос равишда 5 ва 6-ўринларда қайд этилган. "Уильямс" пилоти Александер Албон рейтингни якунлаб берган. 

2022 йилги мавсумнинг Топ-10 пилоти:

1. Макс Ферстаппен ("Ред Булл") – 8,8.

2. Шарль Леклер ("Феррари") – 8,2.

3-4. Жордж Расселл ("Мерседес") – 7,8.

3-4. Ландо Норрис ("Макларен") – 7,8.

5-6. Льюис Хэмилтон ("Мерседес") – 7,7.

5-6. Фернандо Алонсо ("Альпин") – 7,7.

7-8. Серхио Перес ("Ред Булл") – 7,3.

7-8. Карлос Сайнс ("Феррари") – 7,3.

9. Эстебан Окон ("Альпин") – 7,2.

10. Александер Албон ("Уильямс") – 7,0.