13 ноя 10:06
Янгиликлар

Теннис

ФОТО. Надалга дунёнинг биринчи ракеткаси учун аталган соврин топширилди

Испаниялик теннис юлдузи Рафаэль Надаль дунёнинг биринчи ракеткаси учун аталган махсус совринни қабул қилиб олди.

Надаль ўз фаолиятида тўртинчи бор мавсумни дунё рейтингининг биринчи ракеткаси сифатида якунлайди. У жорий мавсумда 6 та турнирда бош мукофотни қўлга киритди. Ҳали унда кеча старт олган Якуний ATP турнирида ҳам чемпион бўлиш имконияти бор.

Таъкидлаш жоиз, 31 ёшли Надаль рейтинг пешқадами бўлган энг ёши катта теннисчига ҳам айланди. Бугун Рафа йилнинг Якуний ATP турниридаги иштирокини бельгиялик Давид Гоффенга қарши учрашув билан бошлайди.