ФОТОМАҚОЛА: Денис Истоминнинг Хитойдаги саргузаштлари

Хитойнинг Чэнду шаҳрида бўлиб ўтган мусобақада ҳамюртимиз барча рақибларини мағлубиятга учратиб, бош соврин соҳибига айланди.

Эътиборингизга спортчимизнинг ушбу турнирдаги саргузаштлари акс этган суратларни тақдим этамиз:

Илк босқичда рейтингда ўзидан юқори турган германиялик Ян-Леннард Штруфф мағлуб этилди. Ёмон эмас. Аввал бунақаси кўп бўлган

Ўйиндан кейинги селфисессия

Иккинчи босқичдаги рақиб эса жиддийроқ эди. Турнирда учинчи рақам остида сараланган россиялик Карен Хачанов. У ҳам мағлуб этилди

Чорак финалда эса америкалик Жаред Дональдсон турнирдан чиқариб юборилди. Денис ҳазиллашмаётганди!

Ғалабалар кўпайгани сайин, мухлислар ҳам кўпайиб борди!

Ярим финал: Осон бўлмаган ўйинда япониялик Юичи Сугита ҳам мағлубиятга учратилди! Яна битта ўйин қолди...

Финалда эса кипрлик Маркос Багдатис кутиб турибди. Баҳс яхши бошланди!

Аммо кутилмаганда рақибнинг жароҳати безовта қилиб қолди. Маркоснинг тура олмаётганини кўрган Денис уни олдига югуриб борди...

Шундан сўнг кипрлик теннисчи ўйинни давом эттира олмаслиги маълум бўлди

Истомин: "Турнир ғолиби бўлишни истагандим, лекин ўз ғалабаларим орқали. Рақибнинг жароҳати эвазига эмас"

Нима бўлган тақдирда ҳам Денис Истомин финалда ғалаба қозониб, 250 рейтинг очко эгасига айланди. Ушбу муваффақият билан теннисчимизни табриклаб қоламиз. Бундай совринлар янада кўпайишини тилаб қоламиз! Баракалла, Денис!

GettyImages суратлари асосида Азиз Тўхтамуродов тайёрлади