Франция — гандбол бўйича жаҳон чемпиони!

Ҳал қилувчи финал учрашувида Франция ва Норвегия терма жамоалари ўзаро тўқнаш келишди. Муросасиз кечган финал баҳсида франциялик гандболчилар 31:28 (20:17) ҳисобида ғалаба қозониб, жаҳон чемпионига айланишди. Франция терма жамоаси энди уч карра жаҳон чемпиони. Нора Мёрк 8 та гол билан финал учрашуви тўпурари бўлди. 

Бронза медали учун кечган баҳсда эса икки мезбон давлат жамоалари - Дания ва Швеция учрашишди. Унда данияликлар битта тўп фарқи билан зафар қучишди - 28:27 (18:15). 29 ноябрь куни старт олган жаҳон чемпионатида жами 32 терма жамоа медаллар учун баҳс олиб борди. 

Жаҳон чемпионати — 2023. Аёллар. Финал

Франция — Норвегия — 31:28 (20:17).

Бронза учун ўйин

Швеция — Дания — 27:28 (15:18).

5-ўрин учун ўйин

Германия — Нидерландия — 25:30 (7:16).

7-ўрин учун ўйин

Чехия — Черногория — 24:28 (10:14).