Франциянинг олти карра чемпиони профессионал мақомидан маҳрум бўлиши мумкин

Бу ҳақда "RMC Sport" хабар бермоқда.

Клубни сотиб олишга келишиб олган Британиянинг "Sparta Capital" жамғармаси 10 миллион евро тўлаши керак эди. Бироқ инвесторлар сумманинг ярмини — 5 миллион еврони ўтказиб беришди, холос.

Пуллар "Бордо"га суд тугатилишидан қочиш ва профессионал турнирларга қайтиш учун зарур. Белгиланган муддат ўтиб бўлган, аммо клубга қолган маблағларни киритиш учун қўшимча вақт берилди.

Июль ойида "Бордо" миллий мусобақалардан четлаштирилган эди. Бироқ клуб апелляция берди.

Ҳозирда "Бордо" миллий мусобақалардан четлаштирилиш юзасидан баҳслашмоқда. Зарур молиявий кафолатларсиз Франциянинг собиқ чемпиони ўз фаолиятини тугатиши мумкин.