Футбол академиясида китобхонлик кечаси

Футбол академияси  фаоллар залида бўлиб ўтган мазкур китобхонлик бадиий кечасида ўқувчилар, мураббийлар, шоир ва ёзувчилар, ОАВ вакиллари иштирок этишди.
Китобхонлик тадбирида иштирок этган Ўзбекистон Ёзувчилар уюшмаси Қашқадарё вилоят бўлими раҳбари, шоир Ўроз Ҳайдар, Ўзбекистон ёзувчилар уюшмаси аъзоси, “Шуҳрат” медали соҳиби, шоира Нилуфар Умарова ҳамда ёш ва умидли ёзувчи Нафиса Давронлар ўз ижодларидан намуналар ўқиб беришди. Китобнинг инсон маънавияти юксалишидаги беқиёс ўрни ҳақида таъкидлаб ўтилди.  Шунингдек,  академия тарбияланувчилари ҳам  юртни тараннум этиш ва бошқа эзгу-мақсадларга эврилган  мавзуларда ўқиган ва ёд олган шеър ва ҳикоялардан айтиб беришди. Тадбир сўнггида эса Ўзбекистон Ёзувчилар уюшмаси Қашқадарё вилоят бўлими томонидан футбол академияси тарбияланувчилари учун китоблар совға қилишди.

Нурали СУЛТОНОВ, “Ўзбекистон Республикасида хизмат кўрсатаган ёшлар мураббийи”,  Ўзбекистон футбол ассоциацияси ҳузуридаги Қашқадарё вилояти болалар – ўсмирлар футбол академияси директори: - Эртамиз эгалари бўлган ёшларимизни ҳам маънан, ҳам жисмонан баркамол бўлиб вояга етишларида китобнинг ўрни беқиёс. Дастур – режамизга мувофиқ бўлиб ўтган мазкур китобхонлик кечасида иштирок этган ўқувчиларимиз таклиф этилган ёзувчи-шоирларимиз ижод намунларини диққат-эътибор билан тинглаганлари,  қизиқтирган саволлларига муносиб жавоблар олгани китобга бўлган меҳрини яна бир бор оширди, деб ўйлайман.  

Илҳом РАҲМОНОВ