01 окт 11:50
Янгиликлар

Бокс/ММА

Фьюри - Уайлдер. Трилогия 19 декабрь куни ўтказилмайди. Бунга футбол сабаб!

Супероғир вазнда WBC чемпиони Тайсон Фьюри ҳамда ушбу камарнинг собиқ соҳиби Деонтей Уайлдер ўртасидаги учинчи жанг белгиланган муддатда ўтказилмайди.

Аввалроқ трилогиянинг 19 декабрь куни ўтказилиши маълум қилинган эди. Лекин бу санада жанг ўтказилмайди. Бунга футбол сабаб бўлмоқда.

"Биз жанг санасини ўзгартирамиз. 19 декабрь куни Конференция чемпионатининг 5 та, Миллий футбол лигасининг 2 та ўйини бор. ESPN телеканали билан маслаҳатлашган ҳолда шундай қарорга келдик. Трансляция жадвалига қараб янги санани эълон қиламиз. Балки жанг 19 декабрдан олдин ўтказилар", — деди жанг ташкилотчиси, таниқли промоутер Боб Арум.

Маълумот учун, боксчилар ўртасидаги учинчи жанг АҚШнинг Лас-Вегас шаҳридаги Allegiant Stadium аренасида бўлиб ўтади. Бу стадион "Las Vegas Raiders" клубининг уй аренаси ҳисобланади.