Фьюри Усик яқин орада яна бир чемпионлик камаридан воз кечишини айтди

"Мен WBC йўналиши бўйича Околи ва Итаума ўртасида саралаш жанги тасдиқланганини кўрдим, аммо вақтинчалик чемпион — Агит. Демак, улар Усикни ё унвонни ҳимоя қилишга, ёки ундан воз кечишга мажбур қилишлари керак.

Шахсан мен Усик WBC йўналиши бўйича ким биландир жанг қилади, деб ўйламайман, чунки бу пул томондан маъносиз. Бу жангларда пул йўқ. Унга Агит билан жанг учун пул тўлашадими? Лоуренс Околи билан жанг учун пул беришадими? Йўқ. Агар сен Тайсон Фьюри билан жанг қилиб, катта пул олган бўлсанг, шунчаки бошқа биров билан жанг қилмайсан. Шу сабабли Усик бу исмлардан бирига қарши унвонни ҳимоя қилишини тасаввур қилолмайман.

Шунинг учун у Уайлдер ёки оммабоп, мухлисларга эга бўлган жангчи билан тўқнаш келмоқчи. Шу боис мен Усик WBC камаридан ҳам воз кечади, деб ўйлайман — худди WBO камари билан қилганидек. Александр WBC унвонидан воз кечиши керак. Агит жаҳон чемпиони бўлади ва кейин Околи — Итаума жанги ғолиби билан унвонни ҳимоя қилади.

Мен Усик ва Кабайел ўртасида жанг бўлишини умуман тасаввур қилмаяпман. Бунинг ҳеч қандай тижорий маъноси йўқ. Бокс — бу бизнес, унутманг. Бу ерга ҳамма пул ишлаш учун келади ва кетади. Шунинг учун ҳам энг қийин жанглар — энг катта пуллар учун бўлади. Усик ҳозирги даражасида энг катта жангларни, энг катта гонорарларни хоҳлайди. Агит эса ҳар ким учун оғир рақиб", — дея Фьюрининг сўзларини Ready to Fight портали келтиради.