10 авг 09:15
Янгиликлар

Футбол

Галиулиндан голли узатма, Шомуродов захирадан майдонга тушди

Россия чемпионатининг 5-туридан ўрин олган бир қатор учрашувлар бўлиб ўтди.

"Ростов" ушбу турда ўз майдонида Москванинг "Динамо" жамоасини Калачевнинг ягона голи эвазига мағлуб этди. "Ростов" сафида ўйнаётган Элдор Шомуродов ўйиннинг 87-дақиқасида захирадан майдонга туширилди.

Яна бир ҳамюртимиз Вагиз Галиулин ҳаракат қиладиган "Тосно" клуби эса ЦСКА жамоасига 1:2 ҳисобида имкониятни бой берди. "Тосно"нинг ягона голи айнан Галиулиннинг ажойиб узатмасидан кейин Заболотний томонидан киритилди.

Амалдаги чемпион "Спартак" эса "Арсенал" Тулани ортиқча қийинчиликсиз доғда қолдирди - 2:0. Турнинг эътиборга молик учрашуви Қозонда бўлди.
Қурбон Бердиев бошқарувига ўтган "Рубин" турнир жадвалида пешқадамлик қилаётган "Локомотив" билан дуранг ўйнади - 1:1.