26 июн 10:05
Янгиликлар

Теннис

Галле (ATP): Федерер 9 карра Gerry Weber Open ғолиби!

Германиянинг Галле шаҳри мезбонлик қилган нуфузли Gerry Weber Open турнири ўз якунига етди.

ATP 500 тоифасига кирувчи, чим қопламали ва соврин жамғармаси 1 574 640 еврони ташкил қилган турнирда Рожер Федерер бош мукофотга эга чиқди. Швейцариялик теннис юлдузи финал учрашувида турнирнинг тўртинчи ракеткаси германиялик Александр Зверев билан тўқнаш келди.

Эллик уч дақиқа давом этган баҳсда Федерер 6:1, 6:3 ҳисобида зафар қучди. Айнан Рожер ушбу турнирда энг кўп - 9 маротаба ғолиб бўлган. Бу галги муваффақиятли иштирок Федерерга 395,690 евро ҳамда 500 рейтинг очкосини тақдим этди.