23 июн 11:05
Янгиликлар

Теннис

Галле (ATP): Федерер чорак финалда, Нисикори тўхтади

Германиянинг Галле шаҳрида ўтказилаётган нуфузли Gerry Weber Open турнири ўзининг қизғин палласига кириб боряпти.

ATP 500 тоифасига кирувчи, соврин жамғармаси 1 574 640 еврони ташкил этган мусобақада чорак финал иштирокчилари маълум бўлди. Турнирнинг амалдаги ғолиби германиялик Флориан Майер олтинчи ракетка, франциялик Люка Пуйни 6:7(6), 6:4, 6:3 ҳисобида мағлуб этди.

Ушбу турнирда энг кўп - саккиз марта чемпион бўлган швейцариялик Рожер Федерер эса германиялик Миша Зверевдан 7:6(4), 6:4 ҳисобида устун келди. Турнирнинг учинчи ракеткаси япониялик Кеи Нисикори эса жароҳати сабаб россиялик Карен Хачановга қарши баҳсни якунига етказа олмади.