21 июн 11:50
Янгиликлар
Теннис
Галле (ATP): Федерер фаолиятидаги 1100-ғалабасига эришди
Швейцариялик теннис юлдузи Рожер Федерер профессионал теннисчилик фаолиятидаги юбилей - 1100-ғалабасини қўлга киритди.
Федерер Германиянинг Галле шаҳрида ўтказилаётган ва соврин жамғармаси 1 574 640 еврони ташкил қилувчи Gerry Weber Open турнирининг илк даврасида зафар қучди.
Мусобақада биринчи рақам остида таснифланган Рожер япониялик Юити Сугитани 6:3, 6:1 ҳисобида таслим этди. Бу Федерернинг 1100-ғалабаси эди. Унинг иккинчи даврадаги рақиби германиялик Миша Зверев бўлади.
Маълумот учун, айнан Рожер Федерер Галле турнирида бош совринни энг кўп қўлга киритган теннисчи ҳисобланади. Швейцариялик теннисчининг ҳисобида 8 та титул бор.
Ҳавола :
Фикрлар