Гарначо фаолиятини АПЛда давом эттиришга қарор қилди

Футболчига "Наполи"дан жиддий қизиқиш бўлишига қарамасдан  20 ёшли футболчи фаолиятини "Челси"да давом эттирмоқчи. Ярим ҳимоячи агентларига Лондон клуби билан музокара олиб боришни айтган. МЮ ўз футболчисини 60 миллион еврога сотишга тайёрлигини маълум қилган.

Эслатиб ўтамиз, Гарначо Европа лигаси финалидан кейин берган интервюсида Рубен Аморимни танқид қилганди ва шундан сўнг португалиялик мутахассис футболчи билан хайрлашишга қарор қилди. Гарначо якунланган мавсумда 58 та учрашувда майдонга тушди. Унинг ҳисобида 11 та гол ва 10 та голли узатма бор.