Гастелумни мағлуб этган Исраэль Адесанья UFC чемпионига айланди

Биринчи раундда томонлар рақибни ўрганишга ҳаракат қилишди. Адесанья кўпроқ ҳаракат қилган бўлса-да, Гастелумнинг зарбалари анча залворли чиқди. Келвин ўнг томондан берган зарбаси эвазига рақибини қулатишга муваффақ бўлди, лекин Исраэль тезда ўзига келиб олди. 

Иккинчи ва учинчи раундларда ташаббус тўлиқ Исраэль томонига ўтди. Айниқса, унинг лоукик ва оёқда берган зарбалари Келвинни мувозанатдан чиқарди. Иккинчи раундда Гастелум нокдаун ҳолатига ҳам тушиб қолди. 

Тўртинчи раундда Келвин ўзига келди ва кучли оёқ зарбаси билан Адесаньяни нокаут қилиб қўйишига бир баҳя қолди. Беш раундлик жанг якунида ҳакамлар бир хил - 48-46 ҳисобида Исраэль Адесаньянинг ғалабасини таъминлашди. Исраэль ўрта вазн тоифасида вақтинчалик UFC чемпионлик камари соҳибига айланди.