04 май 11:58
Янгиликлар
Бокс/ММА
Геннадий Головкин: “Альварес билан реванш жангининг ўтказилиш эҳтимоли 10%”
Қозоғистонлик суперчемпион Геннадий Головкин мексикалик Сауль Альваресга қарши реванш жангининг ўтказилиш эҳтимоли ҳақидаги саволга жавоб берди.
Ўрта вазнда WBA (Super), IBO, WBC ва IBF йўналишлари чемпиони бўлиб турган Головкин реванш жангининг ўтказилиши ҳақиқатдан узоқроқ эканлигини маълум қилди.
“Реванш жангининг ўтказилиш эҳтимоли 10 фоизга тенг, ундан кўп эмас. Балки, мен 10 фоиз деб кўп айтиб юборгандирман”, – деди Головкин.
Эслатиб ўтамиз, Головкин ва Альварес ўртасидаги жанг 2017 йилнинг сентябрь ойида ўтказилган ва ўшанда дуранг натижа қайд этилганди. Реванш жанги эса 5 май кунига белгиланганди. Лекин жангга оз муддат қолганида Альвареснинг қон таркибида таъқиқланган модда топилган ва бунинг натижасида Сауль Канело 6 ойга четлатилган эди.
Ҳавола :
Фикрлар