06 ноя 07:56
Янгиликлар

Теннис

Гергес кичик Якуний турнир ғолибасига айланди

Хитойнинг Чжухай шаҳрида WTA Elite Trophy, яъни WTAнинг кичик Якуний турнири бўлиб ўтди.

Соврин жамғармаси 2 миллион 280 минг 935 доллардан иборат ушбу мусобақада Якуний турнирда қатнаша олмаган кучли ракетка усталари бош соврин учун кураш олиб боришди.

Турнирнинг ҳал қилувчи финал учрашувида иккинчи ракетка сифатида ҳаракат қилган америкалик Коко Вандевеге германиялик Юлия Гергесга қарши кортга чиқди.

Бир соату 20 дақиқа давом этган баҳсда Гергес кучли рақибасини 7:5, 6:1 ҳисобида мағлуб этиб, бош мукофот соҳибасига айланди. Мавсумнинг сўнгги 9 та учрашувида кетма-кет ғалабага эришган 29 ёшли Юлия фаолиятидаги тўртинчи совринини қўлга киритди.