Гэтжи Пэдди Пимблетга ундан олдин чемпионлик жанги берилса, UFC’дан кетишга ваъда берди

Жастин айнан шундай таҳдид билан UFC раҳбарларига "салом" йўллаган. Мабодо британиялик Илия Топуриянинг навбатдаги рақибига айланса, UFC’ни тарк этиб, фаолиятини якунлашга ваъда бермоқда. Бу ҳақда унинг менежери Али Абдел-Азиз хабар берди.

"Жастин Гэтжи ҳар доим ўз сўзида туради, - деди Абдулазиз Submission радиосига берган интервьюсида. - Агар Пэддини олдинга ўтказиб юборишса, у фаолиятини якунлайди ва UFC’да бошқа ҳеч қачон жанг қилмайди - бунинг содир бўлишига ишонаман. Аммо UFC - бу бизнес! Пэддига қарши ҳеч нарса йўқ, у ажойиб томошабоп жангчи, лекин унинг сўнгги учта рақиби умумий ҳисобда 13 та мағлубиятдан иборат серияни давом эттирган. Жастин Гэтжи рейтингда ундан олдинда, Жастин UFC учун кўп иш қилган. Пэдди Пимблетт Гэтжидан ўзиб кетиш ҳуқуқини қўлга киритиш учун UFC учун нима қилди? Агар буларнинг барчаси соф шоу-бизнес бўлса, майли, Пэдди бўлсин. Аммо хизматлари муҳим бўлса, чемпионлик жангини Жастин Гэтжига беринг".

"Гэтжидан олдин чемпионлик жангини олишга лойиқ бўлган ягона инсон - Арман Царукян, - дея қўшимча қилди менежер. - Агар бу имкониятни бошқа жангчига беришса, бу адолатсизлик бўлади". 

Эслатиб ўтамиз, Пэдди Пимблетт чемпион Илия Топуриянинг навбатдаги рақиби бўлиши ҳақида хабар берган манбалар бундай танловни британияликнинг юқори медиаси билан изоҳламоқда: ушбу жанг январь ойида UFC’нинг биринчи турнирида Paramount компанияси билан шартнома доирасида ўтказилиши режалаштирилган. Лига раҳбарияти дарҳол янги платформага имкон қадар кўпроқ томошабинларни жалб қилмоқчи.