17 сен 10:48
Янгиликлар

Бокс/ММА

GGG - Канело 3 жангининг тахминий санаси маълум қилинди

Қозоғистонлик собиқ жаҳон чемпиони Геннадий GGG Головкиннинг мураббийи Абель Санчес Сауль Альваресга қарши кечадиган учинчи жанг 2019 йилнинг май ойида ўтказилиши мумкин.

“Ўйлашимча, бизнес томонидан Канело учун ҳам, Головкинга ҳам учинчи жангнинг ўтказилиши фойда келтиради. Кейин услуб жиҳатидан ҳам бу икки боксчи бир-бирларига жуда ҳам мос келишади. Бу эса жангнинг қизиқарли кечишини таъминлайди.

Эрик Гомес ҳакамлар қарори эълон қилинганидан кейин ёнимга келиб шундай деди: “Учинчи жангни ўтказиш керак”. Менинг жавоб мана бундай бўлди: “Ҳа, бу масалани Том билан гаплашиш лозим”.

Менимча, 5 май – учинчи жанг учун энг қулай ва оптимал сана. Ҳозир Головкин хордиқ чиқариши керак. Келаси йилнинг бошларидагина у залга, машғулотларга қайтади. Май ойигача ўртада жанг ўтказмагани маъқул”, - деди Санчес.