02 окт 08:15
Янгиликлар

Теннис

Гоффин Шэньчжэндаги турнир ғолибига айланди

Бельгиялик теннисчи Хитойнинг Шэньчжэн шаҳрида ўтказилган нуфузли мусобақада бош мукофотни қўлга киритди.

Дунёнинг 12-ракеткаси бўлган Гоффин ҳал қилувчи финал учрашувида украиналик Александр Долгополовни мағлубиятга учратди. Икки соату 3 дақиқа давом этган баҳсда Гоффин дунё рейтингида 53-поғонадан жой олган Долгополовдан 6:4, 6:7(5), 6:3 ҳисобида устун келди.

Хитой турниридаги соврин Давид учун фаолиятидаги учинчи, жорий мавсумдаги биринчиси бўлди. Бу муваффақиятли иштирок бельгиялик теннисчига 118 минг 910 доллар мукофот пули ҳамда 250 рейтинг очкосини тақдим этди.