«Голден Стэйт» NBA плей-офф босқичининг чорак финал биринчи ўйинида «Мемфис»ни мағлуб этди

Унда «Мемфис Гриззлис» «FedExForum» аренада «Голден Стэйт Уорриорз»ни қабул қилди.  Учрашув 116:117 ҳисобида меҳмонларнинг ғалабаси билан якунланди.

Учрашувда Жордан Пул 31 очко билан «Голден Стэйт Уорриорз» таркибида энг яхши натижани кўрсатди. Жа Морант эса 34 очко ва 10 самарали узатма билан «Мемфис»да энг яхши ўйинчи бўлди.

Шу тариқа, «Голден Стэйт» сериядаги ҳисобни очди - 1:0. Жамоалар ўртасидаги навбатдаги ўйин 4 май куни бўлиб ўтади.

Эслатиб ўтамиз, NBA плей-оффининг аввалги босқичида «Голден Стэйт» «Денвер Наггетс»ни мағлуб этган, «Мемфис» эса «Миннесота Тимберволвес»дан устун келганди.