«Голден Стэйт» сафарда «Даллас»ни мағлуб этиб, NBA финалига чиқиш имкониятларини ошириб олди + ВИДЕО

Унда «Даллас Маверикс» «Голден Стэйт Уорриорз»ни қабул қилди. Учрашув меҳмонларнинг 109:100 ҳисобидаги ғалабаси билан якунланди ва бунинг эвазига жамоа турнирнинг сўнгги босқичига чиқиш учун имкониятларини янада яхшилаб олди. Жамоани финалдан биргина ғалаба айириб турибди. Ҳозирча ҳисоб 3:0, «Голден Стейт» фойдасига.

Маверикларнинг словениялик баскетболчиси Лука Дончич 40 очко, 11 та рибанд ва 3 та самарали узатма қайд этиб, учрашувнинг энг яхши ўйинчиси бўлди. Мехмонларнинг ғалабасига энг катта ҳиссани Стефен Карри (31 очко, 5 рибанд ва 11 ассист) ва Эндрю Уиггинс (27 очко, 11 рибаунд ва 3 ассист) қўшишди.

Сериянинг навбатдаги ўйини ҳам Даллас майдонида 25 май куни бўлиб ўтади. 

Қуйида учрашувнинг Highlights'ни томоша қилинг.