08 июн 09:52
Янгиликлар

Бокс/ММА

Головкин битта камаридан маҳрум қилинди, босим давом этади

Профессионал бокснинг ўрта вазн тоифасида учта йўналиш чемпиони бўлиб турган Геннадий Головкин IBF камаридан маҳрум қилинди.

Қозоғистонлик 36 ёшли чемпион айни пайтда WBA (Super) ҳамда WBC камарлари соҳиби бўлиб турибди. Экспертларнинг фикрича, унинг бу титуллари ҳам олиб қўйилиши мумкин.

Головкин мексикалик Сауль “Канело” Альварес билан такрорий жангнинг ўтказилишини сунъий равишда кечиктираётганликда айбланмоқда. Чемпион эса Альварес билан жанг гонорар тенг тақсимланган ҳолатдагина ўтказилишини айтган.