27 июл 11:50
Янгиликлар
Теннис
Гштаад. Истомин чорак финал учрашувини эртага ўтказади
Мамлакатимизнинг биринчи ракеткаси Денис Истомин Швейцариянинг Гштаад шаҳри мезбонлик қилаётган нуфузли турнирдаги иштирокини эртага давом эттиради.
Эртага ҳамюртимиз чорак финал баҳсида дунёнинг 19-ракеткаси ҳисобланган испаниялик Роберто Баутиста Агутга қарши кортга чиқади. Бу икки теннисчи ўзаро бир маротаба тўқнаш келишган. 2015 йилда бўлиб ўтган баҳсда Агут 6:6, 6:3 ҳисобида зафар қучганди.
Агар Денис кучли рақибини мағлубиятга учрата олса, ўзи учун 24,520 евро ҳамда 90 рейтинг очкосини кафолатлайди. Ҳозирча Денис 13,970 евро мукофот пули ҳамда 45 очкони нақд қилиб улгурди.
Эслатиб ўтамиз, Денис Истомин Swiss Open Gstaad турнирининг илк даврасида италиялик Лоренцо Жустинони 6:3, 6:2, иккинчи босқичда германиялик Дастин Браунни 6:3, 6:1 ҳисобида мағлуб этган эди.
Ҳавола :
Манба : olamsport.com
Фикрлар