UZ

Сўнгги янгиликлар

21:05Конья-2021: Олга Забелинскаядан навбатдаги олтин! 0 20:55"Ҳумо Арена"даги бокс оқшоми натижалари битта саҳифада LIVE 3 20:06Конья. Эронлик рақибини мағлуб этган Муҳаммадқодир Юсуповда бронза! 0 18:35Мбаппе ўтган мавсумнинг энг яхши уч ўйинчисини санади 0 18:12Гандбол. Ярим финалда Озарбайжонга ютқаздик, энди учинчи ўрин учун ўйнаймиз + ФОТО 0 17:48Дана Уайт UFC жангчиларининг маоши оширилиши ҳақидаги саволга жавоб берди 0 17:25Надаль Цинциннатида машғулотларни бошлади 0 17:01Депай А Серия гранди билан 2 йиллик шартнома бўйича келишувга эришди. Унинг маоши қанчалиги ҳам маълум 0 16:38Шифокорларимизнинг саъй-ҳаракатлари билан атлетларимиз муваффақиятга эришишмоқда 0 16:16Дана Уайт Жейк Полга қарши жанг ҳақида гапирди 0 15:54"Ҳумо" Қозоғистон чемпионатидаги илк ўйинини ўз уйида ўтказади (тақвим) 0 15:32"Манчестер Юнайтед" янги дарвозабон топди 0 15:10Тасдиқланди: Ботир Аҳмедов чемпионлик жангига Ўзбекистон байроғи остида чиқади 1 14:48Боксчиларимиз Чеченистондаги мусобақага жўнаб кетишди, таркибда Ҳасанбой ҳам бор 0 14:26Маматраҳимов шарафига Эквадорда Ўзбекистон мадҳияси янгради + ФОТО 1

20 май 15:08
Янгиликлар

Футбол

Ҳисоб-китоб вақти: А Серия 38-тур превьюси

Теглар :  РомаИнтерМилан
Бугун Италия чемпионатининг охирги тур учрашувларига старт берилади.

"Торино" - "Рома"

"Буқалар"нинг ҳолати унчалик ҳам яхши эмас. Жароҳат туфайли жамоа сардори Белотти ўйинни ўтказиб юборади. Шунингдек, Фарес ва Санарабия ҳам майдонга тушмайди. Ҳужумда Прает ва Брекало ўйнаши кутилмоқда. "Рома" 5-поғона учун курашда сустлик қилди, лекин клуб ҳеч бўлмаса 6-ўринни сақлаб қолиши керак. Генрих Мхитарян ҳамон жамоасига ёрдам беролмайди, аммо қолганлар сафда шаъй туришибди.

"Рома" ўтган ўзаро баҳсда 1:0 ҳисобида ғолиб бўлган. Бу гал ҳам букмекерлар "жалоросси" имкониятларини юқори баҳолашмоқда. Агар "Торино" интилилаётган нарсаси йўқлигини ҳисобга олсак, бу фикр мантиқан тўғри. Фикримизча, "Рома" ҳужумкор ўйин намойиш этади ва ғалабага эришади.


"Лацио" - "Верона"

"Бургутлар" сафида жароҳатланган Чиро Иммобиле майдонга тушиши энг катта интрига бўлиб турибди, катта эҳтимол билан ўйнаши мумкин. Агар у ўйнамаса, унинг ўрнига Педро-Фелипе Андерсон-Цаканьи учлиги тушади. "Лацио"да бошқа кутилмаган совғаларни кутмасак ҳам бўлаверади. Барак "Верона"га ёрдам беролмайди, бу эса тўп Симеоне ва Капрарига етказиб берилишида муаммо бўлиши мумкин. Капрари айнан унинг ўрнида, ҳужумда эса Лазанья ҳаракатланиш эҳтимоли бор.

Биринчи давра учрашувида "Верона" "Лацио"ни йирик ҳисобда мағлуб этган (4:1), Жованни Симеоне покер қайд этган. Бу сафар "Лацио" фаворит, жамоа 5-ўринни бериб қўймаслик учун бор кучи билан ҳаракат қилади. Қолаверса, "Верона" ҳам мавсумнинг иккинчи ярмида унчалик яхши ўйин кўрсатмаяпти.


"Фиорентина" - "Ювентус" 

"Фиорентина" жанговар таркиб билан ушбу ўйинга етиб келди. Кастровилли ўйинни ўтказиб юборади, Пентек эса майдонга тушиши сўроқ остида турибди. Бироқ қувонарлиси, Никлас Гонсалес ёрдамга шаъй турибди. "Ювентус" ҳақида гапирадиган бўлсак, интригалар жуда кўп. Ўтган баҳсда клуби билан хайрлашган Кьеллини ва Дибала ўйнаши унчалик ҳам тушунарли эмас. Шунингдек, мавсумнинг биринчи ярмини "фиалкалар" сафида ўтказган Влахович учрашувда иштирок этиши аниқмас.

Охирги, Италия Кубоги доирасидаги ўйинда "Юве" ишончли тарзда ғолиб бўлган (2:0), 1-даврада ҳам "кекса синьора" кучлироқ чиққан. Аммо букмекерлар айни дамда "фиалкалар"ни яққол фаворит деб ҳисоблашмоқда. Сабаби, "Фиорентина"га ғалаба муҳимроқ, аммо "Ювентус"нинг ҳам имкониятлари ёмон эмас.


"Интер" - "Сампдория"

"Интер" ҳамон скудетто учун курашмоқда, лекин ҳаммаси фақат "нерадзурри"га боғлиқ эмас. Таркиб билан боғлиқ муаммолар йўқ, барча етакчилар тўлиқ сафда, фақатгина Дармианнинг ўрнига Дюмфрис тушиши мумкин. Жадвал ҳолатига кўра, "Сампдория" аниқ элитада қолади. Шундай экан, Жампаоло шогирдлари бемалол ҳаракат қилишлари мумкин. Кваьярелла баҳсни ўтказиб юбориш эҳтимоли бор.

Жамоалар охирги марта учрашганларида дуранг қайд этилган (2:2). Аммо бу гал "Интер" устунроқ ва анча яхши формада. Ушбу ўйинда "Сампдория"га осон бўлмаслиги аниқ.


"Сассуоло" - "Милан"

Дионизи ихтиёрида барча футболчилари бор, ҳаммаси яхши формада. Клубга ҳеч қандай босим ўтказилмаяпти, шундай экан, жамоа бемалол ҳужумкор ўйин кўрсатиши мумкин. Ҳужум гуруҳи тўлиқ асосий таркибда майдонга тушади ва етакчига муаммо яратишга уриниб кўради. "Милан" эса ажойиб формада ва кўтаринки кайфиятда ҳал қилувчи ўйинга етиб келди. Ҳамма етакчилар сафда ва босим ўтказиш учун тайёр туришибди.

"Сассуоло" биринчи давра баҳсида 3:1 ҳисобида "Милан"ни мағлуб этган. Бироқ букмекерлар сўзсиз "россонери"ни фаворит санаб, "нероверди"га деярли имкон қолдиришмаяпти. Аммо бизнинг фикримизча, ҳаммаси бунчалик осон эмасдек. Чунки "Сассуоло"нинг ҳужумда ўйини ўхшаса, у ҳар қандай рақиб учун хавфли бўлиб қолади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг