Ҳозиргина дзюдо бўйича терма жамоамиз Японияга йўл олди

Бундан икки йил аввал Ўзбекистон Миллий олимпия қўмитаси ҳамда  Япониянинг Майдзуру шаҳар мэрияси ўртасида ўзаро ҳамкорлик бўйича меморандум имзоланган эди. 

Бир неча кун аввал эса Майдзуру шаҳри мэри Рёзе Татами бошчилигидаги делегация Миллий олимпия қўмитасига ташриф буюрган ва МОҚ президенти Рустам Шоабдураҳмонов қабулида бўлганди.

Дзюдочиларимизнинг Япония йиғини айнан ушбу дастур, яъни ҳамкорлик меморандуми асосида ташкил этилади. Ҳозиргина терма жамоамиз делегацияси Япониянинг Майдзуру шаҳрига жўнаб кетди. 

Эслатиб ўтамиз, яна бир неча кундан сўнг Япония пойтахти Токио шаҳрида дзюдо бўйича жаҳон чемпионати старт олади. Майдзурудаги бир ҳафталик йиғин дзюдочиларимиз учун тайёргарликнинг сўнгги босқич вазифасини ўтаб беради. 

Жаҳон чемпионатида қатнашувчи таркибимиз:

Эркаклар

-60 кг: Шарофиддин Лутфиллаев, Диёрбек Ўрозбоев

-66 кг: Шаҳрам Аҳадов, Сардор Нуриллаев

-73 кг: Ҳикматиллоҳ Тўраев

-81 кг: Шарофиддин Болтабоев

-90 кг: Яҳё Имомов

-100 кг: Муҳаммадкарим Хуррамов

+100 кг: Бекмурод Олтибоев

Қизлар

-52 кг: Диёра Келдиёрова

-70 кг: Гулноза Матниязова

Мураббийлар - Фарҳод Тўраев, Адҳам Жамолов, Ўктам Раҳмонов.

Шифокор - Жавлон Ҳасанов